Ki bru wa pynchit wei yah bakla yei kyrriah ya kiwa sah ha Them Metor toh u pynngat hapoh ka aiñ MPDA

U Muktiar wa bna yong ka jylla, u VGK Kynta da ong u wa ka Meghalaya Transfer of Land (Regulation) Act, 1971, ym ye ko wow krehkaam ha ki thaw yong ka sorkar lada ka sorkar e thaw kow wow chna ya ki yung neibynta wow kyrriah ya ki bru na Them Metor, Them Iewmawlong.

Neiliang u Symbood Montri Rangbah, u Prestone Tynsong ynne da pynche u wa i thaw wow chna ya ki yung neibynta wow sah ki bru na Them Metor ymtoh kawa da e dooh cha kitai ki bru, tangwa u man bait ko hapoh i pait ka yung krehkaam ka Shillong Municipal Board neibhah toh i thaw yonh ka SMB.

Hawa klam ynne ka sngi, u Kynta da ong u wa lada em ini i pynbait hapyrdi ki ar liang kitæ ka sorkar waka Harijan Panchayat Committee u man iwa bha, neibhah hadien wa mih i dawa wow kyrriah wei kamwa man katni ka sorkar kwah ko wow kyrriah ya ki bru na Them Metor cha ka thaw wym haap hapoh ka Sixth Schedule.

Hawa kylli, da ong u wa ka aiñ mantre yei thaw ym ye ko wow krehkaam iyi iyi neibhah ka thaw man ko ka yong ka sorkar wei ka Meghalaya Transfer of Land (Regulation) Act, ym krehkaam ko ha ki thaw yong ka sorkar namo ki Normal Area yong ka Shillong.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ha iwi won i liang, u Kynta da ong u lada em i pynbait deiwa yasuk ym ye wow khang wei ym emkaam wow ap yei sñiaw yong uwon uwon leh, neibhah ym man iwa suk wow khyndang ya ki bru kiwa da sah kamwa 150-200 snem ha katai ka thaw.

Da ong chooh chooh wa lada em i klam wa pynchongshit, kiwa yah bakla, iwa ktah yei pyrkhat yong ki paidbah du wow yoh myntoi Politics toh u khang ya ki deiwa pynkrehkaam syndon da ka aiñ Meghalaya Preventive Detention Act (MPDA).