Ka thaw baam wa thymme ha Jowai kawa pyrtuid One 11 Restaurant kawa em ha Ladthadlaboh mar pyrchah ka Petrol Pump wa em hajan laad Kiang Nangbah Government College da wai paidbah yaka ynne ka sngi.
Ya kani ka Restaurant da mantre da ka B. Mukhim wei chwa wow wai yaka da yoh i duwai kyrkhu pynkyntang na u O. Mukhim, Rangbah Balang ka Balang Unitarian Padu, hei emlang u Rev. Sowot Laloo, kiwa ha-yung ha-sem ka tre Restaurant wa kiwa chah khut sñiawbha.
Hawa dawai kyrkhu pynkyntang, u O. Mukhim ngait skem u wa u Blai u emlang u chirup wa ki tre yow ye ki u pynlai bait pynlai ryntih ki ya kani ka Restaurant neibynta i myntoi ki paidbah wei u nang heh nang krai ko leh neipor cheipor.
Ha kani ka Restaurant kamwa man kattæ, ki paidbah ye ki u yoh ki jait baam waphær waphær kam i Chinese wa Indian, neitæ hadien won daw yoh sa ki jait baam Japanese, ki Pasta wa kiwi kamjooh leh ka Home Delivery ye u leh hadien.
Ha kani ka dukan ki paidbah ye ki u yoh baam nadooh i por 11:00 waje i step hadooh 9:00 waje i miet man-ka-sngi, wot haka sngi Bibar leh man ko kawa wai.
Discussion about this post