Jowai : Kam chibynta wow pynsuk ya i duna poisa khutia ha yaaw ha hat ka yung krehkaam u Deputy Commissioner hei yakrehkaam wa ka bank SBI wa ka UBI daw pynman ki ya ka yaaw kylliang poisa khutia naar næ ka “Coin Mela” ha ka Musiang 12 tarik uni u bnai.
Ya kani ka yaaw daw pynman ha pchem ka yung krehkaam u DC, Jowai nadooh 10 waje i step.
Ka 12 tarik han lada man ko ka chuti, kiwa kreh ka SBI wa UBI da pyllait por chanam ki wow leh yeini.
Ha kani ka sngi ye u kylliang ya ki poisa kot wa T. 100 T. 500, T. 2000 wa thymme yow yoh won da ki poisa khutia naar wa T. 10, T. 5, T. 2 wa ki T. 1.
Ka RBI da song ko ya ki poisa khutia hadooh T. 2000 chi song wei ha kani ka yaaw daw pynyait khutia kamwa T. 100 chi song.
Daw booh leh ya ki poisa kot wa T. 50, T. 20 wa ki T. 10 wei ye u kylliang katwa emkaam ki khutia ha kani ka sngi.
Ka RBI leh da ong ko wa ym em poisa naar kiwa chna thok khamtam ka T. 10.
Discussion about this post