15 49.0138 8.38624 1 0 4000 1 https://wyrta.com 300 0

Ka sngi wa kyrpang kiwa em i duna hei doh i pran

0 Comments
Advertisement ad1

Jowai: Ka 3 tarik u Kmaichonglad toh ka sngi kyrpang yong ki bru wa em duna, tymbuiñ hei man rynyieñ rynyoit kawa tip deiwi i kyntien kam ka International Day For Persons with Disabilities, kamtæ kam wa man cha kiwi ki thaw ki bor sorkar næ ki seiñ waphær waphær chim ki wow leh warom ya kani ka sngi ha ki dur ki rukom wa boonjait, hapoh ka West Jaiñtia Hills District leh da em i leh warom ya kani ka sngi ha chnong Amlarem da ka Association of Challenge People Amlarem Block heiwa yei yarap poisa neibynta kani ka prokram da yoh lyngba ka yung krehkaam yong u Block Mission Coordinator SSA, Amlarem Block wa na ka yung krehkaam yong ka Nehru Yuva Kendra Sangathan, Jowai.

Ka bynta wa nyngkong yong ka prokram ha kani ka sngi toh i pynman ya ki yakop kyrpang neibynta ki khynnah kiwa kynthup ya ka Baloon Bursting, Musical Chair, Race wa kiwi kiwi katwa ya ka bynta wa ar wan yong ka prokram da pynman ha Govt. LPS Amlarem heiwa ka kong I. Chyrmang kam ka kawa mihkhmat na ka ICDS Amlarem Sub-Division da man ko kam ka kongsan katwa u ma L.K. Singh, District Cordinator IE, SSA da man u kam u symbood kongsan.

Advertisement ad1

wds4

wds2

Ya ka yalang ha kani ka sngi da pyllai da u ma L. Pamthied, katwa kiwi tawan kiwa da e i klam ha kani ka yalang nalor ka kongsan wa u symbood kongsan toh ka kong Baladapbianghun Phyrngap wa u ma Lamphrang Pohthmi.

U ma L.K. Singh, District Cordinator Inclusive Education, SSA West Jaiñtia Hills District kam u symbood kongsan da ong u kani man ko ka sngi wa rap kyrpang yong ki bru wa em i duna tymbuiñ hei man rynyieñ rynyoit ha chityllup ka pyrthai kamtæ kam u bru watoh u pait u yoo kyrpang yakam kini ki jait khynnah hapoh ka District da khana u wa ka sorkar lyngba ka SSA scheme pyrchang ko u pynmih chiboon ki laad yarap ya kam kini ki jait khynnah kiwa yatoh wei yoh yong ki yei hok wow man kiwa tip u thoh u puræ kamtæ da kyrsu kyntu ya ki manbei manpa wow chimkhia ki u yakrehlang wa ki bru ka SSA ha kiwon kiwon ki por wa dawa khnang yow ye u pynyoh ha ki yei myntoi kiwa ka sorkar mang kyrpang ko neibynta kini ki jait khynnah.

Ka kong I. Chyrmang da yaroh ko yei chimkhia ki dkhot ka Association of Challenge People Amlarem Block wow pynman ya kani ka prokram neitæ kdar ko leh wow khana pynsñiaw hapyrdi ki manbei manpa ya ki laad yarap kiwa ka yung krehkaam yong ki e ko cha kam kini ki jait khynnah, khana chooh chooh ko leh ha kini ki kajiak bnai neiliang ka yong ki ym em de u yoh ki u phah ya ka poisa cha kitu ki khynnah kiwa toh hok u yoh man u bnai, i daw ymtoh wa pyndooh yei bhah yong kitu ki khynnah, ha lyndet ini toh neiliang ka sorkar ym em de u pyllait poisa ko cha ka yung krehkaam yong ki han la kattæ leh kyrsu kyntu ko ya ki bei ki pa yong ki khynnah dei wa ong ham man ki bru kiwa chah yalam bakla wow mutdur sih dei wi dei ar ya ki bru ka ICDS wei wow wan chakhmat u yakrehlang wa ka dei sñiawthooh yumut.

wds3

wds5

wds1

Advertisement ad1

0 Comments

Leave a Reply