Beiñ ka KSU Wapung Unit yei chah tynyap beiñ ka manbei

Ka KSU Wapung Unit da phah ko ka yaka kyrwoh wow beiñ joor yei chah pynkut yabor yei mynsien kawi ka manbei kawa na chnong Wapung Chnong iwa da jia ha kawi na ki sngi yong kani ka tayaaw.

Katkam ka khubor wa da yoh, kani ka manbei da lai chim dawai ko na chnong Mookhep haka 25 tarik uni u bnai wei nadooh katai ka sngi ym em de chem ka heiwa neiliang ka chnong da pynbna paidbah ki wow lai thooh ka wei da chem yei metyap ko ha chnong Mookhep ynne ka sngi.

Ka seiñ da ong ko wa iwa sñiawsih wei iwa da ktah ya ka imlang sahlang toh wa yei mynsien kani ka manbei da chim da ki bru wa jrah snaam wei kopsar ki wym em de yei mynsien para bru.

Ka seiñ da dawa joor ko ya ki bor yong ka aiñ wow chimkhia ki wow thooh ya kam kini ki bru wei wow pynchitom ya ki deiwa eh.

Related posts

Chah kem u Police Inspector wa baam poisa na u hehspah deiwa maham

January 31, 2026

Yap soo ngut ki khynroo na Assam ha iwi i kamra ha Bengaluru

January 31, 2026

Chooh chooh ka seiñ da yooluti ko wa neiliang ka chnat pulit u ye ko u takit deiwa mih soh yow wanrah yei hok yong kani ka manbei wa kiwa ha-yung ha-sem ko.

Ka KSU Wapung Unit da beiñ joor ko ya kam ini wa jia wei ym ye ko leh wow pdiang ya kam ini wa jia haka imlang sahlang.

Lyngba kani ka kyrwoh, ka seiñ da phah ko leh yei sñiawlem cha kiwa ha-yung ha-sem yong kani ka manbei kawa tip kam ka Lita Ryngkhlem.