Sniawbhalang Football Tournament: Jop ka Sohphoh waka Ummulong

Ka 3rd Sniawbhalang Football Tournament kawa da pynman ha Wahiajer da pteiñ ya ka ynne ka sngi deiwa pynman ar tylli ki yalehke.

Ha ka yalehke wa nyngkong, ka Sohphoh da jop ko yaka Umbluh da 3-0 da ki kool wa thap da u Livingstar Suting haka minit wa 21, u Habandajop Khynriam haka minit wa 35 wa u Sumarbha Suting haka minit wa 44.

Ha ka yalehke wa ar, ka Ummulong da jop ko yaka Khanduli da 6-0 da ki kool wa thap u Daman Shullai haka minit wa 5, 48 wa 52, u Mebanker Challam haka minit wa 10 wa 39 neitæ u Edie Pyngrope haka minit wa 66.

Ki yalehke mynstep daw pynman ar tylli kiwa daw sdang heipor 12:00 waje pyrdi sngi hapyrdi ka Tamu waka Lumrot wei daw pynbood da ka Nonglatem waka Namdong A heipor 2:00 waje i sngi.