Ka 1st Division 2026 (Thomas Nongtdu Memorial Trophy) wa ka Super Division 2026 (6th Kyrmen Shylla Contribution Trophy) ka East Jaintia Hills District Football Association (EJHDFA) dapoi ki cha ka sngi wa arphaw-le ynne.
Ha ka 1st Division, ka Lakadong Umlatdoh SCSC da jop ko da 2-1 ya ka Rymbai Madanpynriang SC.
Ya ka Lakadong Umlatdoh da thap da u Kiming Dkhar ha ka minit wa 53 wa u Phrangsngi Pakem ha ka minit wa 66 katwa ya ka R. Madanpynriang da thap da u William Dkhar ha ka minit wa 8.
Da ini i jop ka Lakadong Umlatdoh, da wai ko ka laad ya ka Rymbai Iawpynsing wow psiah cha ka Quarter Final na ka Pool C.
Ka yalehke ka Super Division won da kut ko da 1-1 hapyrdi ka Shilliang Umshong SC wa ka Thangskai Tiger SC.
Ya ka Shilliang Umshong da thap da u Phon Khaii ha ka minit wa 65 katwa ya ka Thangskai Tiger da thap da u Pynthymme Rymbai ha ka minit wa 25.
Discussion about this post