U Pilot ka Indigo Airlines da chah thaap u ha uwi u bru iwa da pynkhrngiat ya kiwa boon wa em hapoh kani ka lieñsuiñ kiwa da hap yang boon kyntu yow yoh u lai luti.
I da jia i heipor wa uni u Pilot dang pynbna u wym ye u hær neidaw wa joor u ly’oh haka Indira Gandhi International Aiport (IGI) heiwa uni u bru uwa sap sula rong stem uwa chong chadien dooh da phet u chaphrang kani ka lieñsuiñ yow thaap ya uni u Pilot.
Neiliang kiwa kreh ka Indigo Airlines da ujor ki pyrchah ya uni u bru uwa da chah pynhiar na kani ka lieñsuiñ kawa toh u hær na Delhi cha Goa ynnin ka sngi. Wei heipor wa chah pynhiar da riñ Video uni u Pilot oo heiwa uni u bru wa tip kam u Sahil Katariya da paan maap u na uni u Pilot uwa tip kam u Anup Kumar.
Ynnin ka sngi ha ki bynta ka North India da joor bha u ly’oh khyndaw uwa da neh hadooh 11 kynta khamtam ha Delhi iwa da ktah ya ki hajar ngut kiwa lai luti da ki lieñsuiñ.
Discussion about this post