Uwi u bru da chah kem u ha ki pulit ka jylla Punjab hadien wa riam u kam ka kynthai yow lai thoh Exam heithaw ka chan u kawa yaleh kreh yow man kam ka Multi-Purpose Health Worker kawa da pynman da ka Baba Farid University of Health Sciences ha DAV Public School, Kotkapura iwa da jia haka 7 tarik uni u bnai.
Uni u bru wa tip kam u Angrez Singh da wanrah lang u yaka Aadhaar wa EPIC Card wa da chna thok u hei pyrtuid ka chan u kawa tip kam ka Paramjeet Kaur tangwa da chem ya oo hadien wa leh yaka Biometric Scan.
Uni u bru najrong wa da riam u kam ka kynthai, da deiñ u leh ki khadu, i Bindi wei biah Lipstick u.
Uni u bru da lai thoh u ya kani ka Exam hei pyrtuid ka chan u kawa na Fazilka wei da yoh u leh wow chong thoh ya kani ka Exam hadooh chi kynta tangwa kiwa pait ya kiwa wan thoh Exam kiwa man leh ki kynthai da yoo ki wa phær i rukom riam heiwa para kynthai tip bait ki u pait.
Kamtæ da sai ya uni u bru uwa em 25 snem i rta cha rood wei da phah ya oo wow leh u yaka Biometric Scan ya ki pariam kti u heiwa da chem wa da wan u wow leh thok wei u sniooh u leh toh uwa dei deiñ hi-eh namo u Wig, wei neiliang ki bor pynlai kani ka University da e kti ki ya uni u bru cha ki pulit.
Ya kani ka kynthai leh da chah pyndam noh i pyrtuid kam kawa yaleh Exam.
Ka Baba Farid University of Health da khut yaleh kreh ko neibynta 806 tylli ki kaam wa lait heiwa da em kamwa 7200 ngut kiwa wan yaleh kreh.
Discussion about this post