Waroh ki sorkar wa da lai thung ki ya kiwa e buit ymtoh iwa dang kani donhi ka sorkar: Ampareen

Ka Dr. M. Ampareen Lyngdoh kawa man kam kawa e ktien ka sorkar MDA heijooh i por leh ka Montri sorkar da ong ko wa toh iwa bakla wow pyrkhat wa i thung kreh (Political Appointment) toh i buit wow pynkmen pynhun donhi ya kitu ki bru da ka sorkar.

Da ong ko wa kam ka sorkar ye ko wow chim yei e buit na ki bru wa stat wa chemphang ki wym toh kiwa kreh sorkar hajrong ki kaam wa boon wei ini toh iwa da leh nadooh nachwa ym du da kani ka sorkar tangwa ki sorkar warim leh.

Yeini da ong ko hadien wa ka VPP da dawa ko wow pyndam noh yei myllien u thung ya kini ki Political Appointment da ka sorkar.

Da pynksan ko yeini deiwa ong wa kini ki bru toh kiwa ye wow e buit yaka sorkar ha kiwa boon ki jait kaam nadooh i chait i khiah, i chna sarok, i pynpoi umkor, ki kaam Sports wa kiwi kiwi de yow heh u san ka jylla wei ini man i leh yow myntoi ki paidbah.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Kamtæ da ong ko wa ini wa leh kani ka sorkar ymtoh i wym jooh em wa leh wei ka sorkar tip ko yei yi wa leh ko wei i kaam wa da pynkit ha kini ki bru paidbah kiwa em du kawi donhi ka thong itæ toh yow pynlai yaka jylla chakhmat.

Da pynkut ko deiwa ong wa du i por donhi wow khana wa lada daw em ka sorkar wym leh ya kam ini i rukom thung kreh ya ki bru deiwa pynrap wa biang hi wa yoh u yatai kamni yow tip leh kammon sñiaw kiwi.