Chirup waka jylla waroh kawi, ynne da lehkmen yei dap 52 snem ka jylla namo ka Meghalaya Day ha East Jaiñtia Hills District haka yalang wa pynman ha Conference Room u Deputy Commissioner, East Jaiñtia Hills District, heiwa u Deputy Commissioner, u A. Baranwal da man u kam u kongsan hei emlang u Additional Deputy Commissioner, u G. Warjri, ka Assistant Commissioner, ka F. Wann deilang wa ki khynnah skur, kiwa sikai skur wa ki waheh chnong.
U A. Baranwal hawa e i klam da ong wa ka Meghalaya man ko ka jylla wa da kyrkhu wei kawa em chiboon ki mar pohkhyndaw kiwa ye u pynkrehkaam ha kiwa boon jait, heiwa kiwa kreh sorkar wa ki paidbah em ki ka kaamram yaka imlang sahlang hanla em chiboon ki moochynthut.
U G. Warjri da khana yillu u ya ka yakhih wow yoh ya ka jylla Meghalaya wei ynne ka sngi pynkynmoo ko ya kiwa chong chnong wow kreh chitom ki katwa joh i bor wow pynku yaka jylla.
Ha kani ka sngi da yoh leh i chaad na ki khynnah ka Khliehriat Higher Secondary School wa Rymbai Government Secondary School.
Kam wow pynkynmoo heini, ka Meghalaya Day da lehkmen haka 21 tarik u Duyatra wei ha uni u snem da lehkmen yaka ynne neidaw wa ka 21 tarik haap ko ha ka Bibar.
Discussion about this post