Ka seiñ JSU da pynsñiaw ko yei wym sñiaw yahaap hajrong i sur rwai State Anthem ka Meghalaya wa dang dep pynlait ynne ka sngi da u Montri Rangbah ka jylla, u Conrad Sangma ha ka yalang wa da pynman ha District Library Auditorium, Tura.
Ya ini i sur da rwai da i ktien Khasi, Garo wa English katwa i ktien na Ri-loom Jaiñtia ym em pynemkaam ki iwa da toh u pynemkaam lang.
Ka seiñ da ong ko wa ini i leh ki kamni da pynsñiawsih i ya ki paaid ka Ri Pnar Ri Jaiñtia waroh kawi.
“Ka sorkar toh u tip ko wa ka jylla Meghalaya heipor wa yoh yaka jylla na Assam ha u snem 1972 haka 21 tarik u Duyatra da chim na ar tylli ki District yong ka Assam kiwa tip kam ka United Khasi and Jaintia Hills neitæ ka Garo Hills,” da ong ka seiñ.
Kamtæ ka seiñ da dawa ko na ka sorkar wa toh u pynbait thymme ko ya ini wei ki MLA na Jaiñtia ymtoh u suki hi-eh ki hajrong ini i rwai iwa da pyndooh ya ka ktien wa da klam ha Ri-loom Jaiñtia ha kani ka Meghalaya State Anthem neibhah emkaam wow pynyatylli ya waroh ki le tylli ki jaitbru ri-loom ka jylla wow yoh bhah ki ha kani ka Anthem heithaw wow thap pathan dei ktien English.
Discussion about this post