Dei pynkup burom ya kiwa lehbha hei puræ puthi lehkmen ka Jowai yaka lyngkhooh dap 52 snem ka Meghalaya

Ka West Jaiñtia Hills District ynne da ksohkti lang ko wow lehkmen yei dap 52 snem i yoh yaka jylla Meghalaya haka yalang wa da pynman ha District Library Auditorium, Mynthong ha Jowai wa pynman da ka yung krehkaam u Deputy Commissioner ka District heiwa u Lahkmen Rymbui, MLA ka Amlarem da wan embynta u kam u kongsan.

Da emlang leh wa u F.B. Basan, Additional Deputy Commissioner, ka B. Blah, Additional Deputy Commissioner, u C. Syrti, Superintendent of Police, WJH wa kiwi de ki khlieh District.

Neiliang u kongsan hawa e yei klam da kynmoo tympang u ya kitu kiwa da e lut khlem da pyrkhat de ya idæ yow yoh ya ka yong i hi ka jylla, kamtæ da khut u ya waroh kiwa chong chnong ka District wow man ki kiwa em i kitkhlieh wei wow ya krehlang yow pynku yaka District.

Da khana u leh cha kiwa chong chnong ya kiwa boon ki kaam pynroi kamjooh ki thong kiwa da poi ka sorkar ha ka kaam puræ puthi, i chait i khiah, ki luti syngkieñ wa kiwi de.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da sneiñ u ya ki khynroo khyllood wym toh u pynemkaam Drugs wei wow syndong hawa pynemkaam ya ki rynsan Social Media deiwa pynchlur leh ya ki wow chim kabu ya ki Scheme sorkar yow yoh ki yei myntoi.

Neiliang u F.B. Basan lyngba i pynyoo dur da ka PowerPoint da khana u chaphang kiwa boon ki kaam pynroi wa da wanrah da ki chnat sorkar wa em hapoh ka District.

Ka B. Blah won hawa e yei klam maitphang da khana ko yei parom tbian kammon da yoh yaka jylla Meghalaya.

U S. Phanbuh won da khana u yei parom yong ka District katwa u H.H. Mohrmen da klam u neiliang ki bru paidbah.

Ha kani ka sngi da pynkup burom leh ya kiwa dapoi chakhmat haka puræ puthi kiwa napoh ka District kiwa kynthup yaka Reesa EE Christine Suting na North Liberty Higher Secondary School, kawa da yoh 11^th Position haka SSLC waka Larisa Lamin na Adventist Higher Secondary School, Thadlaskein, kawa yoh 1^st Position haka HSSLC (Arts).

Da pynphooh ya kani ka sngi da i chaad na ka Seiñraij Jowai wa na ki dkhot ki Self Help Group.

Ya ki kyntien khublei da yoh na u I. Phawa, Assistant Research Officer Planning Branch, Jowai.