Ka BJP Meghalaya da pynche ko yei mih khubor ha kawi ka kot khubor pharæng napoh ka jylla kawa da ong wa em kiwa yahkhmat seiñ pyrthai deilang kiwa yahkhmat niam napoh ka jylla ki wym lai chei chah khut sñiawbha ya ki da ka Party yow lai cha ka Ram Temple kawa daw wai noh.
Ka BJP da ong ko wa ini i khut sñiawbha toh da ka Party ymtoh da u Prime Minister kamwa da thoh ha kani ka khubor.
Ka BJP da pynche ko wa i khut wow wan cha ka Ram Temple wa thymme toh katkam wa lait por ki u wan wei ymtoh wow wan haka sngi wow wai katkam wa da pynmih khubor. Wei kiwa chah khut sñiawbha kiwa boon toh kiwa da pdiang yeini.
Chooh chooh da pynche wa waroh ki Montri Rangbah ka BJP, ki Montri sorkar pyrdi, ki Montri sorkar jylla wa waroh kiwa krehkaam ka Party wa hap ki wow pait ya ini i wai ya kani ka Temple iwa daw pynyoo ha ki Temple ha kani ka 22 tarik.
Waroh ye ki wow lai cha Ram Temple ha kiwon kiwon ki sngi katkam wa lait por ki wei ini leh man ko i jooh ya kiwa em ha Meghalaya.
Kamtæ ka BJP Meghalaya da ong ko wa ini i rukom pynmih khubor toh i pyrchang wow pynbood naam ya kani ka sngi wa kyntang neibynta kiwa boon kiwa chong chnong ka India. Wei ini i rukom pynmih khubor toh iwa pyrchang wow pynyoo wa em ki jaitbru kiwa jngai na waroh kawi ka ri India wei ini toh iwa sñiawsih neibhah em boon ki jait niam wa ki dustur riti kiwa emlang kiwa imlang hapoh ka jylla dei suk.
Hajrong ini, ka BJP Meghalaya da ong ko wa toh u dam noh kam ini i rukom thoh khubor iwa leh chiliang.
Discussion about this post