Ka Panaliar Tourism and Environment Development Society (PTEDS) kawa man ka chnat krehkaam ka Dorbar Chnong Panaliar, ynne ka sngi da pynman ko ya i pynkhooid ya tymbud ka Wah Myntdu ha Syntu Ksiar.
Ya ini da leh hapoh i yahkhmat u Waheh Chnong, u Riquoma Laloo, u Secretary ka chnong u Careme Phawa wa u Secretary ka PTEDS u Samhao Passah.
Neiliang u Riquoma da ong u wa ka Dorbar Chnong Panaliar maham joor ko ya kiwa wan uiñke cha kani ka thaw wa ymtoh u pyntaroi wei pynjakhlia ya ini i thaw neibhah wa man ko ka thaw kawa kyntang.
Da maham leh ya kiwa khwe dakha na kani ka thaw deiwa ong wa kiwa chem ye ki wow pyntip cha ka chnong wei neiliang ka chnong daw e nong ko mar chiteiñ na ka kuna wa pynchitom ya kiwa khwe.
Discussion about this post