U khynnah wa khian dooh i rta wa poi ha Everest Base Camp

I yakhun ki bru wow ku ya u loom wa jrong dooh ha pyrthai, u Mt. Everest man iwa da slem bha khamtam wow tyngkheiñ ya ki Record wei wow pynka’it ya idæ, wei ha kani ka kynti uwi u khynnah uwa dang 2 snem da man u bru wa khian dooh i rta wow poi ha kjat uni u loom ha i thaw wa tip kam ka Everest Base Camp.

Uni u khynnah toh u Carter Dallas wei man u khon u Ross Dallas waka Jade Dallas kiwa na Glasgow, Scotland kiwa da yah oo cha ka Base Camp kawa em 17,598 Feet na sla duriaw (Above Sea Level).

U Ross da ong u wa ini man i kam chibynta i wan uiñke ki cha ki ri wa em hapoh Asia wa kynthup yaka India, Sri Lanka, Malaysia wa kiwi wei du hapoh 24 kynta mar ya hiar ha nongbah Kathmandu, Nepal da pynkhreh ki wow lai cha kani ka Base Camp.

Chooh chooh da ong u wa kiwa sumaar kiwa synraan ya ki ha i lai luti hawa sylli ki yei doh i pran wa i chait i tram u Carter da phylla ki yeiwa man u uwa khlan.

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Heijooh i por u Ross da kyrmen u wa ini i poi thong wa kani ka parom yong ki u e mynsien ko ya kiwi.

Kam wow kdaw heini, ka Everest Base Camp man ko ka thaw chong-ngiah kiwa ku wei hiar ya u loom Mt. Everest heiwa uwa khian dooh u khynnah nachwa wa poi ha ka toh uwa 4 snem na Czech Republic.