Sa san snem u pteiñ ka sorkar yaka PMAY-G yow chna yung ya kiwa dooh wa duk

Ka Union Finance Minister, ka Nirmala Sitharaman ynne da pynbna ko daw pteiñ yaka Pradhan Mantri Awas Yojna (Gramin) kawa tip leh kam ka PMAY-G, kawa man ka Scheme yarap chna yung ya kiwa dooh wa duk wa em cha palatsor kawa man kawi na ki Scheme yarap cha ka imlang sahlang wei ya kani u pteiñ ka sa san snem deiwa booh thong wow chna sa 20 Million tylli ki chnong.

Ki yung wa da dep chna hapoh ka ri toh da em 25.5 Million tylli na ki 29.5 Million tylli hapoh ka PMAY-G.

Yeini da khana ka Finance Minister hawa e yei klam hajrong ka mang poisa ka sorkar pyrdi ynne heiwa da ong ko wa ka PMAY-G toh kawa pteiñ hanla em ka khlam COVID-19 ha kitu ki por wei da jan poi cha ka thong wow chna 30 Million tylli ki yung. Da ong ko wa ka thong toh wow chna sa 20 Million tylli ki yung ha ki san snem wow wan yow pyndap yeiwa emkaam ki manyung wa dooh wa duk.

Kiwa boon na kini ki yung toh kiwa daw chna haka jylla Uttar Pradesh, Bihar, Jharkhand, Madhya Pradesh wa Rajasthan.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ka sorkar da ong wa u pynlut yei bor wow yrap ya kini ki jylla kiwa em boon dooh kiwa dooh wa duk heiwa kamwa 98% namo 3.65 Million na ki 3.7 Million ki yung wa da dep chna toh ha Bihar neitæ 97.6% ha Jharkhand, 96.5% ha Rajasthan, 95.7% ha Uttar Pradesh wa 94.1% ha Madhya Pradesh.

Ki yung kiwa daw chna thymme hapoh ka PMAY-G daw yoh ki leh ya ka Gas Stove yow chet deilang ka bordiñ hapoh ka Saubhagya waka Ujjwala Scheme.

Ka Minister da kdaw ko leh wa 70% na kiwa yoh myntoi ha kani ka Scheme toh ki kynthai kiwa man kam ki tre yung yow ye ki u im deiwa emburom.