Yoh kem ki BSF ya ar ngut kiwa thmu u khayi kiad cha Bangladesh

Ki chipai ka 4Bn BSF ka Meghalaya ynnin ka 31 tarik da yoh ki wow kem ya ar ngut ki bru na khappood ka West Jaiñtia Hills waka Bangladesh kiwa da thmu wow chalan tooh yei kiad cha baar ri.

Kini ki bru wa wan ki da kawi ka kari Alto wei da kit lang ki ya 356 tylli ki klong kiad wa kynthup nadooh i Beer, Whiskey wa i Rum.

Ha ka 29 tarik won da yoh wow kem palat 18,000 Kg i chini deilang wa 190 klong i dawai Phensedyl na khappood ka East Jaiñtia Hills waka Bangladesh da ki chipai ka 172 Bn BSF.

Ha iwi won i liang, ki chipai ka BSF haka 31 tarik da yoh ki wow yarap ya uwi uwa yah Tractor uwa da mynsoo nei kylla kani ka kari u hajan ka chnong Umkiang wei da yarap wow pynkit oo cha Silchar Medical College deiwa pynemkaam da ka Ambulance ka BSF.

Related posts

Kem ka CBI ya u Project Director ka NHAI Shillong

July 6, 2026

Na krem mooyong wa em ha Rymbai chem yei metyap uwa wiar deilang ka kari | Chah kem le ngut

July 3, 2026