Hapoh chi tayaaw da chem sa iwi i metyap u khynroo India wa lai puræ ha Cincinnati,USA iwa da man leh i sien wa le du hapoh chitayaaw.
Ha chwa u kut bnai wa dep, da chem nyngkong yei metyap uwa dang 25 snem uwa tip kam Vivek Saini uwa da chah tynyap deiwa chah dat da u mustur hadooh 50 sien ha u bru wa sah wa dem cha rood sarok iwa da jia hapoh iwi i dukan wa em Lithonia, Georgia heiwa u Vivek man u kam uwa kreh hapoh kani ka dukan.
U Vivek toh uwa dang pyndep wow yaka MBA na US wei uni u bru wa tynyap oo da tip kam u Julian Faulkner uwa man leh kam uwa dih drug wei u wym em yung em sem.
Hadien ini da chem sa i metyap u Neel Acharya uwa lai puræ ha Purdue University ha Indiana uwa lai puræ Computer Science wa Data Science ha John Martinson Honors College ka Purdue University hadien wa wiar u nadooh ka 28-01-24 wei da chem yei metyap u haka 31-01-24 heiwa da suba wa chah tynyap.
I metyap wa le wa dang chem toh i yong u Aaditya Adlakha uwa dang 26 snem uwa lai puræ PhD ha University of Cincinnati, wei ya uni da em wa siat oo hapoh ka kari ha Ohio. U Aaditya toh uwa puræ PhD haka Molecular and Developmental Biology.
Ha u bnai nyngkong won uni u snem, da chem sa yei metyap u Akul Dhawan uwa 18 snem uwa dang wan lai puræ Electrical Engineering ha University of Illinois, wei uni da wiar u leh na kamra wa sah u wei yei metyap u da chem cha lait heipor wa joor i dait thah hadooh -17 Degree Celsius cha lait wei da suba toh wa yap kjam u (Hypothermia).
Discussion about this post