Hadien wa mih i pynbna namo i Notification yong ka District Council Affairs ka sorkar jylla kawa em No. DCA. 22/2013//225, Dt. 20/11/2023, heiwa da e laad ko ya ki District Council wow chna pynthymme ya ki Constituency, heiwa da thung leh 5 ngut ki Delimitation Committee Member.
Neiliang u Shellsing Langi, waheh chnong warim ka Dorbar Chnong Ummulong, da ong u, “Hadien wa da yoh yutip wa yaka 6- Ummulong Moodymmai MDC Constituency daw phiah lyngkhot lyngkhai næ daw panang cha kiwi tawon ki chnong, kamtæ nga kam u waheh chnong warim ka Ummulong, lada man kamtæ pyrchah joor O ya ini i thmu.”
I pyrchah toh hajrong ka yurim:
1. Ymhoi u phiah yaka chnong ka thaw kawa da em neidaw wa daw ktah ko yei rukom pynlai chnong.
2. Neibhah waroh ki chnong katkam wa man katni ha ka Constituency man ki ki wym em jngai kawi na kawi, wei ym em lutsan ya kiwa mihkhmat ha i lai i wan kamjooh ki kaam pynroi.
3. Kini ki chnong waroh em ki ha jooh ka LA Constituency.
“Nga pyrchah joor O lada taan yaka chnong Ummulong cha kiwi tawon ki Legislative Assembly Constituency,” da ong u Shellsing deiwa pynrap wa kani ka Constituency lada kheiñ ya i boon bru namo Population, da man ko kawa da biang pura ya uwi u MDC.
“Kawi leh ymhoi u pharia yaka, neibynta i myntoi donhi yong kiwon kiwon, lait noh neibynta i biang i dap ki bru yong ka Ummulong Constituency,” da ong chooh chooh u.
Neitæ i daw lada pharia najrong wa man kani ka Constituency kawa biang wa dap ha waroh ki liang khamtam ka chongsuk chongsaaiñ, daw mih i pyrchah ya ini.
Discussion about this post