Ar ngut ki bru kiwa man kam kiwa chong chnong ka USA wa tip kam u John Matthew Boone wa u Michael James Flinchum da chah kem ki ha Tezpur, Assam deiwa chah pynbaad wa wan yalap niam Christan ki khlem da yoh bor wei da tyngkheiñ ki leh ya ki kyndon ka VISA wa psiah ki chapoh ka ri.
Ya kini da kem da ki pulit ka Sontipur heiwa ki pulit da ong ki wa u Boone wa u Flinchum da wan ki cha India lyngba ka e-Tourist Visa kam kiwa uiñke suwari wei da sah ki ha Tezpur la kattu katni sngi.
Da ong wa kini ki ar ngut da embynta ki wow yalap niam ha Baptist Christian Hospital, Mission Chariali, Tezpur wei katkam ka kyndon ka VISA ym chah wow lai yalap niam ki.
Heiyatoh wa ini ki pulit ka Kacharigaon Police Out-Post da Register ki yaka GD No- 03/2024 Dated February 2 wei da daiñ kuna ki mar $500 (Rs. 41,486).
Katkam ki kyndon ka Tourist Visa, u bru wa uiñke chapoh ka ri ymye u wow chimbynta ha ki kaam yalap niam wei ya kini ki ar ngut da pynlait hadien wa su ki ya ka kuna khlem da pynngat ha kawon kawon ka Case.
Discussion about this post