Lada yarap ya ki paidbah toh iwa tngit tangwa ka VPP da ka borti pynyang ko: NPP

Ka thma ktien hapyrdi ka NPP waka VPP da pteiñ i hadien i ya pynksan lyngba ki rynsan laad pathai khubor da kiwa yahkhmat yong kini ki ar seiñ.

Neiliang u President ka National People’s Youth Front (NPYF), u Kitborlang Nongrem da ther u ya uwa e ktien yong ka VPP deiwa ong wa man ko kawa yoo kulmar ya kini ki bru kiwa da ong wa lada wan paan yarap ki paidbah wei lada yoo wyrai ya ki toh iwa tngit, tangwa ki won ha ki yalang wa pynman ki ymtoh pynyang ki ym da ka khieh tangwa da ki borti syndon, kamtæ da kylli u wa lada ini i rukom leh ki toh iwa khooid.

Ini i klam uni uwa yahkhmat ka NPYF toh hajrong i pynbaad yong uwa e ktien ka VPP wa u Kitborlang toh uwa pyntgnit yei rukom pyrkhat yong ki paidbah wa man ki du kam kiwa rah Bowl ha yung MLA.

Da ong u wa yoosar wa uwa e ktien ka VPP ym pu jooh leh wyrai u ya ki paidbah wa dooh wa duk wei ym sñiawthooh u yei dor yong i yoo wyarai ya ki para bru.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

Chooh chooh uwa yahkhmat ka seiñ khynroo ka NPP da ong u wa embhah wa jop ki dang du 4 ngut ki MLA, wei lada jop boon ki iyi wow jia ya ki paidbah neibhah kini ki bru da klam che ki wym yoo wyrai ki ya ki paidbah.