Mynjur ka Uttarakhand yaka Uniform Civil Code Bill hapyrdi i kbai Jai Shri Ram

Ka jylla Uttarakhand ynnin hapoh ka yung dorbar chna aiñ da mynjur ko yaka Uniform Civil Code (UCC) Bill deiwa leh da ka Voice Vote wei da ya kbai leh ki MLA “Jai Shri Ram” hapoh ka dorbar.

Ya kani ka Bill da wanrah nyngkong haka 6 tarik wei da man ko leh i sien wa nyngkong wa da leh yeini na waroh ki jylla ka ri heiwa u Chief Minister ka jylla, u Pushkar Singh Dhami da ong u wa ini toh i thmu wow em kawi donhi ka aiñ wow pait yei ya chongkurim, i pynlait kurim, i hiar pateiñ i thaw i bhaw, i hot i pot khlem da pait ya kawon kawon ka niam.

U Dhami da ong u wa kani ka Bill ymtoh kam kiwi won ki Bill neibhah kam ka ri India kawa heh, ka jylla Uttarakhand u man ko kam ka nongmuna ya kiwi u bood ki ya ini wa da ye u leh.

Da ong u leh wa deiwa em kani ka aiñ ym em de wow chah leh chilliang wei daw yada ko leh ya ki kynthai yow lait ki nei chah lehbeiñ wei waroh iwa em hapoh kani ka Bill toh hadien wa da dep u pynman yei thooh bniah deiwa pynman 72 tylli ki yalang wei da yoh leh yei pynsñiaw wei e buit ki 2,72,000 ngut ki bru lyngba ki Email wa WhatsApp.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Hapoh kani ka Bill, waroh kiwa yachong kurim khlem bia hap ki wow Register hapoh ka aiñ. Da khang leh yei pynbia ya ki khynnah wei waroh ki kynthai u yoh ki i jooh i hok khlem da pait ya kawon kawon ka niam neibynta i bhah yong ki u yoh yei thaw i bhaw.

I rta wa chah u bia u man ko 18 snem neibynta waroh ki kynthai wa 21 snem neibynta ki chynrang khlem da pait ya kawon kawon ka jaitbru. Kiwa bia wa chongkurim khlem da Register da kheiñ wym em da tipmit da ka aiñ.

Ym chah leh wow yalait kurim hadien wa da dep bia la chi snem.