Ka Dr. Mazel Ampareen Lyngdoh ka kyrtong yong ka National People’s Party (NPP) kawa daw yakhun haka Election MP naka Shillong Parliament Constituency, hadien i lai luti ko kylleiñ ki chnong ki thaw nadooh Ri-Bhoi, West Khasi wa East Khasi Hills yow paan kyrchan naki paidbah, ynne ka sngi won da sdang wan hiar ko sa ha Ri-loom Jaiñtia itæ toh ha chnong Wahiajer kawa haap hapoh ka 1-Nartiang Constituency wa ha Ladthadlaboh Jowai kawa haap hapoh ka 2-Jowai Constituency.
Haka yalang wa da pynman ha Ladthadlaboh, Jowai wa da emlang nadooh u Symbood Montri Rangbah ka sorkar jylla, u Sñiawbhalang Dhar, u MLA ka Jowai, u Wailadmiki Shylla, ka MLA ka Sutnga Saipung Constituency, ka Santa Mary Shylla, ki MDC ka JHADC wa kiwi.
Neiliang ka Dr. Mazel Ampareen Lyngdoh ong ko lada ki MP toh kiwa yakrehlang waka sorkar daw man iwa suk yaki kaam wa chaphrang neibynta i myntoi ka jylla wa ki paidbah.
Heiyatoh wa ini da e nongmuna ko yaka MP na Tura kawa toh naka Party NPP heiwa ka da wanrah ko yaki Scheme waphær waphær katkam i bor wa em ko wei dei yakrehlang ko waka sorkar da boon i myntoi wa tooid cha ki paidbah ka thaaiñ.
Ong ko wa ini i klam ko wym mut wow pynbaad donhi tangwa khana hi-eh ko wa emkam u pyndap yeiwa duna wa da yoo da chynna wa kammon hawa ka sorkar bei, ka sorkar jylla wa u næ ka MP em ki i yakrehlang chirup chirup.
Kamtæ ha kani ka sngi kyrpaad ko i kyrkhu i kyrchaan ki paidbah yaka khnang yow yoh u ya krehlang chirup chirup waka sorkar neibynta i myntoi u paidbah waka jylla.
Kiwi won wa e i klam ha kani ka sngi leh da yaroh ki yaka Dr. Ampareen deiwa ngait skem leh wa lada jia wa jop ko daw yoh u yoo ya ki kaam wa khroo yong ka.
Discussion about this post