Sñiawkhia ka KJCLF yei chah maham ki skur wa pynlai da ki Christan ha Assam

Ki seiñ Hindu wa em ha Assam hapoh kawi ka satri ha kani ka tayaaw wa dep, da phah ki ya waroh ki thaw wa pynlai da ki Christan wa em ha Assam wow looid u sai noh ya waroh ki dur wa ki motdur u Jisu waka Mary kiwa da booh ki ha ki skur wei wow dam leh u dawai Blai chwa wow sdang skur neibhah em boon ki khynnah Hindu wa lai ha kini ki skur.

Hawa yaklam wa kiwa thoh khubor ha Guwahati, u President ka Kutumba Surakshya Parishad, u Satya Ranjan Boraah da ong wa kini ki skur da pynman ya ki kam ki thaw pynkylla niam wei ym e laad u leh yeini wei da ong u wa daw pait kammon leh ki ha kini ki 10-15 sngi wei daw leh dei kaam lada ym leh ki kamwa da phah ya ki.

Da ong u wa lada khang wow ong Jai Sri Ram hapoh ka skur kammon u chah won u yalap ki ya u Jisu waka Mary.

Da maham u leh ya ki Father, ki Sister wa ki Brother wym toh u riam ki da ki riam yong niam wei hap ki u sai lut ya waroh ki motdur u Jisu, ka Mary, u dieñphna napoh ka skur wei ymtoh leh wow pynman yei duwai Blai hapoh kini ki skur.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Da ong u wa ini wa leh hapoh kini ki skur toh iwa man pyrchah yaka Article 14, Article 15 wa Article 21 ka Constitution ka ri wei hapoh ka Article 28 ym chah ya kawon kawon ka skur wa da tipmit da ka sorkar wow leh ya kiwon kiwon ki kaam niam.

Heiyatoh wa ini, neiliang ka Khasi Jaiñtia Christian Leaders Form (KJCLF) da khut ko ya kiwa chong chnong ka Assam kiwa da stat da che wow yait na kam kini ki kaam pyndik, pynchitom wei wow pynmynsoo mynsnaam neibhah ki thaw, ki skur wa pynlai da ki Christan toh yow yarap yaka imlang sahlang wa yaka ri waroh kawi.

Da ong leh wa da yoo lakam kini ki bru wa choon Christan da lai lehbeiñ ki ki neidaw wa khian paaid ki deiwa mang ya ki thaw wa e sikai wa ya kiwa kwah u yarap ya ki khynroo neibytnta ka mynried ki.

Ha iwi won i liang da kdaw leh yei mynjur yaka Bill yow khang yei pynchait deiwa leh jadu wei kani man ko yow khang ya kitu kiwa pynchait bru dei bor i ngait wei man ko leh pyrchah wow duwai Blai.

Kamtæ ka KJCLF da khut ko ya kiwa chong chnong ka Assam wow pynche ya kitu kiwa chah yahbakla wow lai ha kani ka luti.

Da kyntu leh ya kiwa chong chnong wow yada ya kini ki thaw e sikai kamjooh kiwa sikai kiwa da kreh neibynta i bha i miat ka mynried ki khynnah.