U David Syiemlieh, uwa man kam u UPSC Chairman warim da ong u wa u Tirot Sing Syiem ym em yap u hapoh patok wa em ha Dhaka, Bangladesh tangwa da yap u kam u State Prisoner heiwa da pynbiang ya oo leh yei yung wow sah u.
U Syiemlieh uwa man leh kam u Historian uwa da thooh bniah chaphang u Tirot Sing, da ong u wa da em i yung wai wa da e cha oo wei i rukom kset ya oo toh iwa tip kam i House Arrest.
Da khana u leh wa da im u deiwa em burom neidaw wa tipmit ki British oo kam u State Prisoner.
U Syiemlieh hawa e yei klam haka yalang wai ya u motdur u Tirot Sing ynnin ka sngi ha Indira Gandhi Cultural Centre, Dhaka da ong u wa i thooh bniah yong oo chaphang ki sngi wa khaddooh u khlawait ki Khasi da sdang nadooh u Duyatra (Jan), 1986.
Da ong u wa haka chithi Letter to the Editor kawa em tarik 14-05-1835 haka Friends of India, kawa em ha National Library Kolkata da pyntip wa ya u Tirot Sing da e ya oo yei thaw sah wa biang kam u State Prisoner.
U Syiemlieh da ong u, “Nga ong oo deiwa che wa u Tirot Sing Syiem ye em yap u hapoh patok. Da yap u deiwa im deiwa em bubrom wei da e ya oo i yung (Bungalow) yow im kam u State Prisoner”.
Discussion about this post