Ka seiñ Federation of Khasi Jaintia Garo People(FKJGP) East Jaintia Hills District Khliehriat da e yaroh ko ya ki ar tylli ki chnong, kitæ ka Umrasong waka Nongsning kiwa em ha East Jaiñtia Hills kiwa da mih chakhmat yow pynsñiaw yei eh nadooh wa em ki karkhana Coke hapoh ki chnong.
Neiliang ka seiñ da sñiaw ko wa kani ka luti wa da chim da kini ki chnong toh kawa biang neibhah kitai ki karkhana pynsih ki ya ki tyllong umbaam umdih wei daw ktah leh yei chait i khiah kiwa chong chnong hadooh ka la-ær wa riñ mynsien leh daw jakhlia ko wei daw wanrah i yei kjut wa boon jait.
Ka seiñ da ong ko leh wa sñiawkhia ko wa neipor cheipor jia kamni bait yaka bei rym-aw hapoh East Jaiñtia Hills neibhah wa boon sa du i pynsih pynjæd katwa ki kaam pynbha won niaar bha u chem.
Kam wow kdaw heini wa hadien wa ujor kitai ki ar tylli ki chnong cha u Member Secretary ka Meghalaya State Pollution Control Board (MSPCB) ha Shillong, ynnin ka sngi da wan hiar da ki bru ka Pollution Board yow pait yei rukom man ka umbaam umdih ha kitai ki chnong wei ka seiñ da e ko yei kyrchaan ya kini ki ar tylli ki chnong yow dawa pyndooh noh ya ka Consent to Establish(CTE) kawa da e bor u chna ya kini ki karkhana kamjooh yow pynyieñ toskhana kini ki karkhana Coke kiwa man kam kiwa choon yaka bei rym-aw kamjooh yei chait i khiah ki paidbah.
Discussion about this post