U Montri Rangbah ka Meghalaya, ynne hapoh ka yung dorbar chna aiñ da pynche u yei noh chiliang i yoh poisa neibynta ki Smart Town heiwa ka Tura da yoh ko Rs. 338.152 klur katwa ka chnong Jowai da yoh ko Rs. 79.8 klur.
Da ong uwa ka Rs. 338.152 toh deiwa kheiñlang yaka Rs. 145 klur neibynta wow chna yaka PA Sangma Stadium.
Da khana u leh wa yaka ISBT ha Tura leh da kheiñlang hapoh ka Smart Town Project.
Kamtæ da ong u wa deiwa ah ya kini waroh, ka Tura da yoh ko kamwa Rs. 125 klur.
Da ong u leh wa ka thong toh yow pynman Smart Town ya waroh ki chnong wa heh.
Hachwa ini, u MLA ka Jowai, u Wailadmiki Shylla da kyntu u yaka sorkar wa lada ym ye wow wanrah yaka Medical College ha Jaiñtia Hills, wow wanrah tang kat da ka Nursing College kamjooh leh wow pyrkhat ya kiwa dang man Niamtre deiwa chna pynboon ya ki khnap thang-bru wa tip kam ki Eco Friendly Crematorium.
Heiyatoh wow pynman yaka Jowai kam ka Smart Town, da kyntu u ya u Montri Rangbah wow kynthup lang ya kiwa boon ki kaam pynroi kiwa sariem wei ya ryngkat waka Tura.
Puræ leh: Rs. 338 klur neibynta ka Tura wa Rs. 79 klur neibynta ka Jowai yow pynman kam ki Smart Town
Discussion about this post