U MLA ka BJP na South Shillong, u Sanbor Shullai ynne da thoh u cha u State President ka BJP, u Rikman G Momin heiyatoh waka Election MP cha Lok Sabha kawa daw pynman.
Da ong u wa haka yalang wa da man hapyrdi kiwa kitkaam ka seiñ na ka Constituency da rai wa kam ka National Party emkaam u yoh kyrtong da kiwa ye u mihkhmat wa tip chaphang ka Ri-loom Khasi Jaiñtia kamtæ emkaam u yoh kyrtong da kiwa stat wei chemphang wow lai cha New Delhi.
Hajrong ini, kiwa kitkaam ka South Shillong da rai ki wow kyrchaan yaka Dr. Fenela Lyngdoh Nonglait kawa man leh ka muktiar yow man kam ka kyrtong MP neibhah wa man ko ka bru wa stat wei kawa khooid kamjooh leh kawa tip chaphang i eh i khor ki paidbah ha sor næ palatsor.
Chooh chooh da ong u wa kiwa krehkaam ka seiñ da rai ki wow kyrchaan yaka Dr. Fenela Lyngdoh Nonglait deiwa kyntu ya kiwi ki dkhot ka seiñ kamjooh ki paidbah wa kiwa mihkhmat ka Ri-loom Khasi wa Jaiñtia wow kyrchaan noh ya ka.
Heijooh i por da kyntu u yaka BJP Meghalaya wow tyrwa ya ini cha ki heh ka Party wow chim ya i rai.
Discussion about this post