U MLA ka Mowkaiaw, u Nujorki Sungoh da yieñ u ynne hapoh ka yung dorbar chna aiñ yow pynkynmoo yeiwa dadep kular ya oo hapoh ka yung dorbar mang tangka nadooh u snem 2019 da ka chnat Veterinary & Animal Husbandry yow pynku kyrdan yaka Sahsniang KVC cha ka Dispensary tangwa hadooh katni ym em mankaam i.
Hajrong ini da kyntu u ya u Montri Rangbah wow sñiawbha u wow pait ya ini yow leh pynsmat yeini i kaam.
Da pynkynmoo u leh yeiwa da dawa u neipor cheipor yow booh PHC ha chnong Psiar kawa emkaam bha ya ki bru wa sah ha Block-I kiwa da hap wow lai cha Jowai, cha Sahniang du neibynta i u thooh dawai yei kjut wa khian wa nai.
Da dawa u leh wow chna ya u sarok Khatkasla-Moojem-Jrikyndeng yow yoh sarok ki bru wow pynemkaam waroh chi snem neibhah u sarok khyndaw wa katni ym ye wow pynemkaam oo waroh chi snem.
Da klam u leh heiyatoh wa ar tylli ki chnong hapoh ka Constituency u ki wym pu em sarok kitæ ka Moobandu kawa em 600 ngut kiwa chong chnong waka Madanbyrwai kiwa da emkaam sarok bha.
Da ong u leh wa emkaam wow pynchna ya u sarok Khatkasla-Psiar uwa da sih bha katni.
Chooh chooh da dawa leh wow e poisa yow chna yaka Sawlyngdoh Higher Secondary School.
Khaddooh da dawa u wow booh yaka Laskeiñ Beat Office.
Discussion about this post