Hei miet ka 1 tarik, da mih i kynaad hapyrdi ki BSF wa ki kattu katni kiwa chong chnong ha chnong Dalia kawa haap hapoh ka Shella Bholaganj Block, East Khasi Hills wei ha ini i jia uwi u bru uwa tip kam u Arsen M Marak da khlaad noh u ha ki kuli yong ki BSF.
Katkam ka khubor wa da yoh da khana wa ini da jia i heipor kamwa 8:00 waje i miet, wei da pyntip leh wa itai i kynaad da mih i hadien wa ki BSF da ksoh ki ya ki kattu katni ngut ki bru kiwa da suba toh kiwa khayi tiar pyrchah aiñ ha khappood waka Bangladesh.
Da pyntip leh wa na itai i suba da mih i pynyoo nia wei i kynaad da chit bha hapyrdi kini ki bru wa ki BSF hadooh wa da poi cha u pood wa uwi na ki BSF da siat syndon u da u kuli wei da toh uni u bru na i bynta i khlieh wei da khlaad syndon u pyn ha i thaw wa jia.
Discussion about this post