Chah kem u PSO ka HNLC hadien wa poor ki chithi dawa poisa ka seiñ

Ki pulit ynnin i miet heipor kamwa chiteiñ synyaaw ka 1 tarik da kem noh ki ya u Personal Security Officer (PSO) yong ka seiñ Hynniewtrep National Liberation Council (HNLC), uwa tip kam u Storgy Lyngdoh.

Hawa pyrchang wow yaklam wa u SP ka East Khasi Hills, u Rituraj Ravi da pyntikna u ya kani ka khubor, wei daw pyntip u deiwa rap bniah hadien kattu katni por.

U Storgy Lyngdoh toh uwi na ki dkhot ka HNLC uwa embynta hei yaklam yasuk wei uwa da liwan noh hadien wa ka HNLC da mih noh ko nei yaklam yasuk waka sorkar.

Katkam ka khubor wa da yoh u lum, u Storgy da wan biang u na Bangladesh cha Meghalaya heiwa ki pulit da lai kem ki oo na yung wa sah u ha Mawlynrei, Khliehshnong.

Related posts

Yoh kem drugs ki pulit wa chongdor Rs. 10.8 klur

June 26, 2026

Siat ki pulit ya uwa rahbor wei tynyap ya ka khynnah wa 11 snem

June 25, 2026

Katkam ka wa da pyntip da ki pulit, i kem ya u Storgy toh hadien wa ki pulit da booddien yei poor ka chithi dawa poisa yong ka HNLC ha Khasi wa Jaintia Hills.