I kem ya u dkhot ka HNLC toh neidaw wa lai saam chithi dawa poisa u ha Shillong: SP

U SP ka East Khasi Hills da pyntip u wa haka 1 tarik uni u bnai, ki pulit ka District da em wa pyntip cha ki wa uwi u dkhot ka HNLC uwa tip kam u Storgy Lyngdoh da saam chithi dawa poisa u hei pyrtuid ka seiñ hadooh wa da sier lut ki kattu katni ki bru wa khih yong samen ha Shillong.

U SP da ong u leh wa neidaw wa joor i tieñ, ye u em ki kattu katni kiwa da su leh wei hadien da chem ki pulit wa uni u dkhot ka HNLC toh uwa sah ha Mawlynrei, Khliehshnong, Shillong.

Kamtæ ynne i step ka 2 tarik da lai kem noh ya u Storgy Lyngdoh na Mawlynrei wei na oo da chem leh ya kawi ka SIM Card Bangladesh.

Chooh chooh u SP da ong u wa u Storgy toh uwa dang man kam u dkhot ka HNLC uwa yajan bha wa u Commander-in-Chief ka HNLC wei da man u leh kam u PSO u A. Hazarika uwa tip leh kam u Manbhalang Jyrwa uwa jooh man kam u Vice Chairman warim ka HNLC.

Related posts

Yoh kem drugs kiwa chong chnong ka Namdong

November 23, 2024

Yoh kem ki pulit ya uwa lai maham bru da kawi ka Pistol

November 21, 2024

Heiyatoh wa ini da booh FIR ha Rynjah Police Station wei ka takit dang lai ko chakhmat.

Da pyntip leh wa u Storgy toh uwa da emkti ha kiwa boon ki kaam pyrchah aiñ wei man u leh uwa yut na ki kti ka aiñ.