Ha iwi i Video iwa da poor iwa da jia ha i chnong wa tip kam i Tauru wa haap hapoh ka Nuh District ka Haryana, da em wa yoh u riñ ya ki bru wa da ku ya kawi ka skur wa pynman yaka Board Exam ka Class-10.
Ini i skur toh iwa tip kam i Chandravati School wei kini ki bru wa em cha lait da pynemkaam ki da ki tylli wow ku wei da psiah ki chapoh kani ka skur lynba ki khian dwar yow yarap ya kiwa yaleh Exam u thoh ki.
Em leh kiwa kawang da ki kot wa da thoh yeiwa toh u jubab ki wei da jia ini hadien wa da em kiwa pynpoor ya ka khubor ong wa lait tooh ka Question Paper.
Kamtæ ki bru dei chrai da wan chwa ki deiwa pynkhreh yow yarap ya ki khon ki kit wa ki diah wow thoh Exam ki ynnin ka 5 tarik.
Hachwa u sdang ki Exam, neiliang ka chnat puræ puthi ka Haryana da kular ko wow pynman ya ka Exam da kawa khooid yow lait na iwon iwon i leh thok.
Neiliang u Montri ka chnat puræ puthi, u Kanwar Pal da ong u wa ha waroh kawi ka jylla da em du ini donhi wa jia wei da phah u ya u Chairman ka Board wow phah pynboon ki pulit deiwa pynrap wa kam kini ki kaam leh tooh heipor Exam ha Haryana toh iwa da wiar wei kitu kiwa leh yeini i kaam daw pynchitom ki.
Da pynche u leh wym em kam itæ wa kam ki bru lait tooh ki Question Paper.
Discussion about this post