U chna ya ka Mawlyndep Hospitality Complex hei lut wa Rs. 29 klur

U Montri Rangbah ka jylla, u Conrad K Sangma ynne da booh mooyurim u yow chna yaka Mawlyndep Hospitality Complex wa em ha chnong Mawlyndep, Ri-Bhoi District deiwa emlang u Montri ka chnat Tourism, u Paul Lyngdoh wa u Dr. W. R. Kharlukhi, MP Rajya Sabha.

Ya kani ka Hospitality Complex u chna hei lut wa kamwa Rs. 29 klur hei thaw wa heh kamwa 10 Acre.

Ya kani ka kreh da kyrchaan poisa da ka New Development Bank kawa man kam ka Externally Aided Project wa em hapoh ka BRIC Nations Initiative.

U Conrad hawa e yei klam da ong uwa da em i sñiawthooh bakla wa ka sorkar jylla da chim ram ko na kiwa boon ki Bank kiwa na baar ri.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Da pynche u wa ka sorkar Meghalaya da chim ko ya kani ka poisa na kini ki Bank wa na baar ri tangwa kani ka poisa toh kawa wan lyngba ka sorkar India kawa da e ko heidur ka Subsidy kawa 72%.

Da ong u leh wa ka Meghalaya toh kawa da yoh myntoi bha da ini i yoh yarap na baar heiwa ka poisa dapoi ko hadooh Rs. 7500 klur kawa da wan na ka sorkar pyrdi.

Da khana u wa na kani ka poisa, kamwa Rs. 4000 klur u lai ko cha ki kaam uiñke suwari ha kini ki soo snem wow wan wei daw pynmih kamwa 50,000 tylli ki kreh.

“Da dep pynbna leh sa Rs. 120 klur da u Prime Minister ka ri neibynta ka East Khasi Hills wa kiwi ki bynta ka jylla ynnin ka sngi,” da ong u Conrad.

Heiyatoh wa kani ka Hospitality Complex ha Mawlyndep, u Conrad da pyntip u wa yaka Work Order da dep u pynmih wei daw pyndep u chna hapoh 24 bnai wei daw wai ka ha u snem 2026.

U Paul Lyngdoh hawa e yei klam da ong u wa ki kaam uiñke suwari toh kiwa ye u pynneh pynsah wei kawa ye leh u pynyoh kreh ya kiwa chong chnong khlem da hap u artatien.

Da e nongmuna u wa ha Sohra kiwa chong chnong da yoh myntoi bha ki na kiwa uiñke suwari kattu da boon boon snem tangwa hawa pait won cha ka karkhana MCCL kawa kattu ye u chah khang noh.

U Dr. W R Kharlukhi won da ong u wa da jied (Adopt) u yaka Mawlyndep toh yow wanrah yei myntoilang yong waroh kiwa chong chnong, yow pynyaar yei rukom pyrkhat wei heijooh i por yow pynman ya ki kaam uiñke suwari kiwa miat ki wym ktah yaka bei rym-aw wa em hapoh ka chnong.