U Personal Security Officer (PSO) ka Hynniewtrep National Liberation Council (HNLC) u Storgy Lyngdoh da phah kset ya oo 14 sngi hapoh Judicial Custody.
U Storgy da chah kem u na Mawlynrei ha ka 2 tarik uni u bnai wei da wanrah biang ya oo cha kasari ynne ka sngi hadien wa em u 10 sngi hapoh Police Custody.
Neiliang ki pulit da ong ki wa u Storgy da saam u ya ki chithi dawa poisa neibynta ka HNLC iwa da wanrah yei tieñ ya kiwa mahajon ha Shillong.
U Storgy toh u dkhot ka HNLC uwa yajan bha leh wa u Deputy Commander-in-Chief ka HNLC.
Da man u leh u PSO u Manbhalang Jyrwa uwa tip leh kam u A. Hazarika uwa jooh man leh u Vice Chairman ka HNLC uwa da ieh kaam heipor wa klam yasuk.
Discussion about this post