Ynne ka sngi da pynman yaka yalang ha Tura Civil Hospital wow wai yaka Trauma Centre, Cardiac Catheterization Laboratory (Cath Lab) waka Opioid Substitution Therapy (OST) ha kani ka thaw sumaar.
Ka MP ka Tura, ka Agatha K Sangma, da man ko kam ka kongsan hei emlang u Jagdish Chelani, DC ka West Garo Hills, u Dr. I. C. Marak, Superintendent cum Jt. DHS, Tura Civil Hospital wa kiwi kiwi.
U Dr. I. C. Marak da batai u heiyatoh wa i krehkaam kini ki 3 tylli ki Centre kitæ ka Cath Lab, Trauma Centre wa OST Centre heiwa da ong u wa ini man i kyrkhu wa khroo ya ki paidbah ka Ri-loom Garo waka jylla Meghalaya.
Neiliang u DC da e khublei u ya kani ka thaw sumaar wa da yoh ya kini ki Centre, deiwa ong leh wa i em ka OST Centre daw ye u yakhun pyrchah ya i pynemkaam Drugs hapoh ka thaaiñ.
Ka Agatha leh da e khublei ko yaka chnat i chait i khiah deiwa ong wa man ko kawa smat wow kreh waka chnat neibynta i bha i miat.
Discussion about this post