Kiwa chondur Selfie wa ki mrad khloo daw chah kset ki 7 snem

Ki bru wa chondur Selfie wa ki mrad khloo khlem da yoh bor daw chah kem ki wei daw kset ya ki hadooh 7 snem ha patok ha jylla Odisha.

“Em ki bru wa da tyngkheiñ ya ka aiñ wei da leh ki yeini du yow pawnaam wei daw kem noh ya ki wei daw yah ki hakhmat ka yung bichaar,” da ong Susanta Nanda, Principal Chief Conservator of Forests (PCCF) (Wildlife).

U Nanda da phah u leh ya ka chithi cha ki Deputy Director ka Similipal South wa North Division kamjooh cha ka Nandankanan Zoological Park deilang wa ki Divisional Forest Officer.

“Da yoo wa da em ki bru kiwa chondur Selfie wa ki mrad khloo dep te booh ki ha ki Social Media. I chondur lang wa ki mrad khloo toh iwa pynthut bha ya ki mrad wei man ko leh pyrchah yaka aiñ Wildlife (Protection) Act, 1972,” da thoh u Nanda haka chithi.

Related posts

I pynbna wa emkaam neibynta kiwa kwah u chimbynta ha ka 1st Miss Latuber Beauty Contest 2024

November 21, 2024

Chem uwa lai puræ PhD uwa na Nongjngi ya ka dakha wa thymme ha Lakroh

November 20, 2024

Chooh chooh da ong wa i chondur Selfie wa ki mrad khloo wa da yada da ka aiñ, hadooh ki mrad wa yap, ki bynta ki mrad wa pynriam man i pyrchah yaka aiñ.

Kitu kiwa kwah u chondur wa ki mrad khloo hap ki wow bood yaka aiñ wei wow yoh bor na ki bru ka chnat Forest, da ong uni u PCCF.

Da phah ya kiwa kreh ka chnat wow booh ki ya ki Helpline Number ha ki thaw wa ka-it ki bru u lai chondur wei kamjooh wow pynsñiawthooh paidbah heiyatoh wa ini yow lait ki nei chah pynchitom haka aiñ.