U Kiren Rijiju uwa man kam u Montri ka sorkar pyrdi, ynne da e yoh u ksoh sa kawi ka chnat sorkar iwa da pynbna da ka President ka ri hadien wa da tyrwa u Prime Minister ka ri.
Yeini da leh hadien wa ieh noh u Pashu Pati Kumar Paras yei man kam u Montri sorkar.
Kamtæ da e kti ya u Kiren wow ksoh u leh yaka Ministry of Food Processing Industries najrong ka chnat wa da ksoh u katni ka Earth Sciences.
U Paras uwa man leh kam u President ka Rashtriya Lok Janshakti Party (RLJP) da e u yaka chithi hiar chuki ynnin ka sngi kam ka dak pyrchah yei wym em yoh ka Party wow yaleh Election MP ha Bihar hawa da dep yakut wow yabhah ya ki Constituency heiwa ka NDA da pynbna ko yei pyrtuid ki 40 ngut ki kyrtong wot hawa ka Party u toh kawa da em 5 ngut ki MP.
Da ong u wa ka Party u toh kawa da krehlang hapoh ka NDA wei kawa da kyrchaan bait tangwa ini wa jia toh kamwa chah chet kylla.
Ka NDA ha Bihar da pynbna ko 17 ngut ki kyrtong ka BJP, 16 ngut ki JD(U) wei da e yaka LJP 5 tylli katwa ka RLJP wa yahkhmat da u Paras ym em e kyrtong ya ka.
Discussion about this post