Pynman ka KNGC da ka yakob Quiz hajrong i hok ki paidbah wa thied wa pet

Ka Kiang Nangbah Government College, Jowai da pynman ko yaka yakob Quiz ynnin ka sngi neibynta ki dkhot ka BIS Standards Clubs ka College kawa pynman leh kam chibynta ka World Consumer Rights Day.

Ki Standards Clubs man ki kam ki chrot wow pynsñiawthooh paidbah yow man ka kayi pateiñ kawa khooid wei kawa khlem da chim kabu kamjooh wow yada ya kiwa thied wa pet.

Ya kani ka yakob da pynlai da u ka Jessica Dkhar kawa sikai kani ka College.

U Dr. Blessing Roy Suchiang, Mentor, Standards Clubs, Kiang Nangbah Government College uwa man kam uwa da pynkhih yow pynman ya kani ka Quiz daw pynsñiaw u yei kmen wow yoo ya kiwa wan chimbynta.

Related posts

Ku ka Pass Percentage ka SSLC 2025 cha ka 96.02% hadien wa pynbna ya ka Result ka Supplementary Exam

May 26, 2025

Daw pynlait ya ki Form Class XI (Commerce) ka Government Boys’ HSS, Jowai

May 5, 2025

Da ban joor u wa kani ka yakob ymtoh du wow pynyoo yei proh jabieñ tangwa iwa emkaam dooh toh yow tip yei hok ki paidbah kiwa thied ya ki mar ki mata na ki yaaw ki haat.

U Shubham Sanu kam uwa mihkhmat ka BIS da pynyoo u yei rukom krehkaam ka BIS Care App wa BIS Quality Connect App.

Ya kani ka Quiz Competition da jop da u Hamesainkupar Shadap wa u Wanshandame Dkhar, hei wa ar da yoh ki Because Syrti wa Ngihunlang Shadap katwa hei wa le da ki Ebakordor Iakai wa Fascilitia Myrchiang katwa ya ki Consolation Prize da yoh ka Laxmi Kumari waka Sujatha Nath.