Heiyatoh wa i chah tympdung ha Them Metor, ki pulit ka Ri-Bhoi da yoh ki wow kem sa ar ngut ki bru wei hawa takit ya kini deilang wa kiwi de, ki pulit da chem ki wa ka HNLC toh kawa da ye wow pynkylla ya kiwa boon ki khynroo yei rukom pyrkhat ki yow ngait ya ki yurim ka seiñ yow ye ki u pteiñ yei kaam dawa poisa yong ki.
Ki pulit da pyntip ki leh wa dang takit lada em kiwa yarap poisa cha kani ka seiñ wei kiwon kiwon kiwa kiwa leh ya kam kini ki kaam daw chah takit ki deiwa chah pynngat ha ka aiñ Unlawful Activities Prevention Act.
Ki pulit da Register ki leh sa kawi ka Case heiyatoh wa i pynhær yaka lama ka HNLC ha u sarok National Highway hapoh Ri-Bhoi District ha u Naisaphra (Aug) 2023 lyngba ka Nongpoh PS Case No. 28(3) 24 u/s 120B/121A IPC r/w Sec 10/13 UA(P)Act.
Ki pulit da pyntip ki leh wa waroh kini ki kaam ka HNLC da leh lyngba ki Social Media wei deiwa Phone lyngba ki VOIP kam u WhatsApp wa kiwi de.
Kamtæ da kyntu ya ki paidbah wa lada yoh Phone næ kynjoh ktien ka HNLC, wow pyntip ki wut-wut cha ki pulit wei wow Block leh ya kini ki Number.
Ki pulit da pynlait ki leh yei Video wa da yaklam u Military Commander ka HNLC wa tip kam u Sanbor Pala wa uwi uwa da chah kem na Ri-Bhoi deilang wa u Bomb IED.
Ya ini i Video ye phi u pait heini ha wah.
Discussion about this post