U psiah cha ka VPP lada ye ki u pynyoo iyi wa da leh ki yaka jaitbru: Prestone

U National Vice President ka National People’s Party (NPP), u Prestone Tynsong da ong u ya ka Voice of the People Party (VPP) wow pynyoo ko dei pynkhreh næ ki Blue Print yong kani ka seiñ neibynta ka mynried yong ka jylla, ymtoh wow chem miet deiwa klam du wow ktik yei sñiaw ki bru wei lada yoo u ya ka Blue Print boi oo leh daw lai psiah u cha ka VPP.

Hawa kynthah ya u President ka VPP, u Ardent M Basaiawmoit, uni uwa yahkhmat ka NPP da ong u wa lada toh man u uwa yahkhmat uwa sakhiat neibynta ka jaitbru, da man MLA u la 11 snem, ileh wym pynyoo u iyi wa da leh u khnang yow ngait sakhiat yei maya jaitbru u.

U Prestone da pynkynmoo u leh wa u President ka VPP da yahkhmat u ya ki paidbah wow mih sarok pyrchah ya i kaam hawa yatoh waka Building Bylaw heipor yong u Mukul Sangma kam u Montri Rangbah ka jylla heitu i por tangwa ka yakhih da kut syndet ko khlem da poi cheiwon cheiwon leh.

Hajrong i pynbaad ka VPP pyrchah ya ka sorkar MDA wa yahkhmat da ka NPP, u Prestone da ong u wa ym sñiawphylla ya ini neibhah da yoo ya ki bru kiwa kawang moo yaka Party lada Ri-loom Garo næ heini ha Ri-loom Khasi Jaiñtia ha i por Election MLA 2023. Tangwa wot hapyrdi i chah kawang ktieh, ka NPP da nang ku ko deiwa jop 26 ngut ki MLA ha ka Election 2023.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

U Prestone uwa man leh u President ka NPP ha Meghalaya da khyrwait u deiwa eh ya u President ka VPP hajrong i pynbaad pyrchah ya kiwa yahkhmat niam, kiwa yahkhmat Balang, kiwa yahkhmat Seiñbhalang wa kiwa yahkhmat seiñ saaiñ pyrthai, heiwa da ong u wa kopsar du kiwa yahkhmat ka VPP kiwa man kam ki angel.