Lada ong ki pulit wa yaklam Phone u Sanbor Pala mut wa dang im hi u Cherishterfield, ong ka HNLC

Ka HNLC ha ka khubor wa da phah da u Sainkupar Nongtraw uwa man kam u General Secretary deilang wa u Publicity Secretary da pynsñiaw ko yei phylla wa ki pulit da kam ki wa yaklam Phone u Sanbor Pala, HNLC Military Commander wa uwi uwa chah kem wa suba ki toh u dkhot ka HNLC.

Ka seiñ da ong ko u wa ini pynyoo ko wa ki pulit da klam ki mar dei khangteliñ, neibhah ini mut i wa u Cherishterfield Thangkhiew toh dang im u?

“Katwon ngut ki bru wa lui lui ki wow yap hei ktang suloi ki pulit Meghalaya du neidaw wa suba ki toh u Sanbor Pala? Uyi de wow ngat kattu? Daw sdang ki wow mang sa ya kiwa yahkhmat seiñbhalang du deiwa suba toh u Sanbor Pala? Lada jia wa kem ki ya uwa sakhiat u Sanbor Pala, ym ye i wow yada yei pyrtuid u. Pait du yeiwa pynbaad bakla wei kem ki ya u Tarson Lymba deiwa suba wa emkti u wow emkti tympdung Bomb IED.”

Da ong leh wa katkam ka Judicial Report 2022 wa da pyndep da u Justice (Retired) T. Vaiphei, heiwa ki pulit da ong ki wa u Cherishterfield Thangkhiew da tip leh ya oo kam u Sanbor Pala uwa emkti wow dawa poisa wa ha ki kaam tympdung Bomb.

Related posts

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Pdiang ka sorkar yei pynche u Sniawbhalang, ki wym hun ye ki wow lai tih chooh: Prestone

May 21, 2025

Wei ini da pynyoo wa da jia ar jait, i wym miat i tih bniah ki pulit wei da thok ki leh ya ki paidbah, ki seiñbhalang, kiwa ha-yung u Cherishterfield wa oo toh uwa pynemkaam dei pyrtuid u Sanbor Pala. Kamtæ i tynyap ya u Cherishterfield Thangkhiew toh iwa da leh chynnam wa da sooh buit da ki Montri ka sorkar MDA. 

“I da tip i uyi wa emkti hei yap u Cherishterfield wei u pulit wa emkti daw maad u deiwa khor. Daw chem i me, u pynchitom wei u ah khlieh i me. I joor i thok wei i leh ki pulit wow murieh ya ki sabut toh iwa da yoo tangwa i yong sakhiat daw mih hi i.”

Ka HNLC da kyntait ko leh yei yei ong ki pulit wa yah bakla ki ya ki khynroo deiwa kular poisa wei wow e da ka kari deiwa ong wa ki pulit toh u kylli chwa ki pyn da ki hi yei kaam wa leh ki.

Da ong leh wa da yoo wa ki sorkar jylla wa ki sorkar pyrdi e khusnaam ki ya ki pulit wa ki chipai kiwa pynchitom wei pynyap ya ki tre ri kiwa man kam kiwa yahkhmat. Kamtæ ki khynroo ka Hynniewtrep leh man ki kiwa em hok wow yaleh pyrchah wei wow pynkut ya kitu kiwa thombor ya ki bru yong i.

Ka HNLC da yaroh ko leh ya ki khynroo HNLC kiwa da bien u yieñ yaleh neibynta ka imlang sahlang iwa mar dei khangtleiñ ya ki pulit kiwa chimkhia da ya kiwa na baar.

“Boon bha ki heh pulit Khasi kam ka Claudia Lyngwa wa u Vivek Syiem toh kiwa da khleh yow murieh yei mantre sakhiat ki kam hei dur yong ki Ynñiawtrep,” pynkut ka kyrwoh.