Ka Salonsar Learning Centre kawa em ha Ladrymbai Dongwah kawa da chna kyrpang neibynta kitu kiwa em i duna hei bor khmat yow yoh ki yei sikai Computer dei mynkna kamjooh kiwi kiwa em i duna hei doh i pran namo ki People with Disabilities (PWDs) kamjooh kiwa biang hei long i man da ye ko wow pynkup burom ya kiwa da pyndep yei chah sikai wa boon jait wa da e hapoh kani ka Centre.
Ya ka yalang pynkup burom da pynman ha ka 22 tarik uni u bnai deiwa emlang u President ka JSM Central Body kam u kongsan kawa da pynman hapoh ka Centre hi heiwa da saam u leh ya ki Certificate cha kiwa da pyndep yei chah sikai kiwa em 10 ngut heiwa 3 ngut man ki kam ki PWDs.
U kongsan hawa e yei klam da ong u wa sñiaw sarong u wa em kam kini ki bru kiwa em ka mon wow pait khmat cha ka imlang sahlang wei wow saam lang ya iyi wa em ki lyngba kani ka thaw e sikai.
Neiliang won u Vice Secretary ka seiñ da ong u wa deiwa em kam kani ka thaw sikai daw yarap ko ya kiwa chong chnong wow kreh ko ya kam kini ki jait kaam wei ki kam ki seiñbhalang da pyrchang ki wow khang yaki baar jylla wow wan psiah cha ka jylla yow kreh kam kini ki jait kaam.
Discussion about this post