Ki pulit da kem ki ya uwi u bru deilang wa 3 ngut kiwi kiwa dang hapoh 18 snem ynne hadien wa poor iwi i Video wa pynyoo ya kawi ka manyung wa kynthup ya uwi u chynrang wa ar ngut ki kynthai kiwa da chong ha ka jooh ka thuk-thuk heiwa da em ki bru wa wan biah abir, u siat um wei wow choor um ki.
Kini kiwa chi yung toh kiwa man kam ki Muslim heiwa da chah kær wei chah khang luti ki ha ki kattu katni ngut ki bru wa lehkmen Holi iwa da jia ha Bijnor, Uttar Pradesh wei da biah abir ki wot lada pyrchah ki heiwa kini ki bru wa leh yeini toh ki chynrang kiwa biah abir yei dur uwa yah thuk-thuk wa yaka kynthai wa chong hadien wot hawa da pyrchah ko yeini.
Da em leh uwi uwa da choor um da kawi ka borti na khlieh kini, da em leh uwi uwa sait um da u Pipe wei hadien wa yoh ki wow lai luti da kbai won kini ki bru wa lehkmen Holi ya ki kyntien ‘Jai Shree Ram’ wa ‘Har Har Mahadev’ wei uwi won da ong u wa ini toh i dustur riti la 70 snem.
I takit ki pulit da chem wa u chynrang waka kynthai wa chong ha pyrdi toh ki chi kurim katwa kawa chong hadien toh ka bei u wei da mut ki wow lai cha u Doctor yow lai thooh dawai wei ini toh iwa da jia ha ka 20 tarik.
Da pyntip leh uwi na kiwa chah kem toh uwa tip pyrtuid kam u Anirudh uwa na ka thaaiñ Dhampur uwa da yoh u kem ynne ka sngi wei neiliang ki pulit da kyntu ki ya ki paidbah wym toh u pyndik wei pynbor ya ki bru wow lehkmen Holi wei lada em wa leh kamni daw pynchitom ya ki katkam ka aiñ.
Discussion about this post