Ka Shillong Lajong FC deiwa lehbha haka kylla miet da yoh ko yei jop da 3-1 yaka Ryntih SC ynne haka yalehke ka Shillong Premier League 2023 kawa da pynman ha SSA Stadium, First Ground, Polo.
Ka Ryntih da khlanbor ko haka kylla step hanla ym em ye ko wow thap kool tangwa haka kylla miet ka Lajong da thap ko lyngba u Colinsalmon Lyngdoh haka minit wa 57 wa ar kool na u Deibormame Tongper haka minit wa 61 wa 90+3 katwa yaka Ryntih da thap da u Melvin Warjri haka minit wa 87.
U Deibormame kattu da thap u la le kool yow man kam u Top Scorer hadooh kattæ.
Ka Lajong da jop ko haka yalehke wa nyngkong da 3-2 pyrchah yaka Langsning FC ha ka tayaaw wa dep katwa ka Rynith won da kut ko da 1-1 pyrchah yaka Mawlai SC.
Ka Lajong kattu da yoh 6 Point wei da man ko leh kawa yoh nyngkong hanla ka Rangdajied United FC leh yoh ko 6 Point tangwa da tam ko deiwa kheiñ ya ka Goal Difference iwa +3 la +2.
Mynstep ka yalehke u man ko kawa khaddooh ka Second Round kawa daw pynman hapyrdi ka Langsning FC waka Mawlai SC kawa daw sdang heipor 3:00 waje i sngi.
Discussion about this post