Ka National Cricket Academy Bengaluru kawa man ka yong ka BCCI da jied ko ya ki 9 ngut kiwa yaleh Cricket ka Meghalaya wow chimbynta ha ka North East Senior Men’s Camp kawa daw sdang ha u bnai wow wan.
Kani toh kawa daw pynman ha Guwahati nadooh ka 8 tarik u bnai wow wan hadooh ka 2 tarik u Naisan.
Kini kiwa cha jied toh u Akash Kumar Choudhury, u Swarajeet Das, u Jaskirat Singh Sachdeva, u Dippu Sangma, u Abhishek Kumar, u Ram Gurung, u Kishan Lyngdoh, u Raj Biswa wa u Aryan Borah.
Ka All India Senior Men’s Selection Committee ka BCCI da jied ko ya kini ki 9 ngut na Meghalaya neidaw wa lehbha ki ha ki Domestic Tournament ka samoi 2023-24 wa kynthup ya ka Syed Mushtaq Ali Trophy (Senior Men’s T20), ka Vijay Hazare Trophy (Senior Men’s One Day) waka Ranji Trophy (Senior Men’s First-Class).
U Kishan toh uwa da yahkhmat yaka jylla ha ka Ranji Trophy khlem da pynemkaam da kiwa yalehke kiwa wan na baar jylla heiwa da kamai u 695 Run na ki 7 tylli ki yalehke wei da yo u leh ya kawa nyngkong dooh ka 200 Run yaka Meghalaya ha ki yalehke First-Class Cricket.
Discussion about this post