Lai khang ka KSU ya ki Bank wa wai ha ka Easter Sunday

Ki chnat ka KSU kiwa em ha kiwa boon ki chnong, ynne da lai khang ki ya ki Bank waphær waphær kiwa da wai yow krehkaam ha ka sngi Easter Sunday.

Ka seiñ da ong ko wa ynne toh ka sngi wa kyntang ki Christan hapoh ka jylla tangwa kini ki Bank da pynman kreh ki, kamtæ da phah khang ki wei da maham leh ya kini ki Bank wym toh u yaleh pyrchah ki ya ka sngi kyrpang yong ki Christan.

Neiliang ka seiñ da ong ko wa ka sorkar MDA næ NDA toh ki wym bna ya ki Christan hapoh ka jylla Meghalaya katwa ha kiwi won ki jylla kam ka Manipur, Mizoram wa kiwi de wa em ha North East da yoh chuthi ha kam kani ka sngi kyrpang hanla man ko kam katæ ka sngi kut Financial year.

Kini ki Bank wa lai khang khyrdep ka KSU toh kiwa em nadooh Mawiong, Mawprem, Stand Jeep, Garikhana, Upper Shillong, Mawkhar, Khyndai Lad, Barik, Malki ,Laitumkhrah, Nongmensong, Mawkyrwat, Jowai, Ummulong wa kiwi de.

Related posts

Pynbna u DC ya ki Number wa ye ki bru wow Phone yow yoh yarap ha kini ki por joor slap

July 4, 2025

Da chem ya uwa na Meghalaya uwa wiar ha Guwahati Zoo

July 4, 2025