Ka Cyclone Murasu da ktah joor bha ko ya ka Andhra Pradesh wa Telangana heiwa i bynta wa khlanbor dooh ka Cyclone dapoi rood duriaw ka Andhra Pradesh ynne i step heipor 5:30 katwa i dien yong ka Cyclone dang psiah i chapoh ka jylla wa kiwi ki jylla, da ong ka India Meteorological Department.
Ka Murasu da lai luti ko kattæ deiwa ku chaneiñ deilang ka la’ær wa beh 90 kmph wei daw tlotbor ko myntu hi ka sngi yow man noh kam ka Cyclonic Storm heithaw ka Severe Cyclonic Storm.
Katkam ka Cyclone Warning Centre (CWC) wa ka India Meteorological Department (IMD), i pyrdi ka Cyclone em ko 30 km na Ongole, 40 km na Bapatla, 90 km na Kavali, 100 km na Vijayawada wa 120 km na Machilipatnam.
I bor ka Cyclone Murasu da khyndang ko ya ki yung ha Samatha Nagar, Ongole, Prakasam District chirup wa u slap wa ka la’ær wa joor.
Ki Video wa mih hadooh ynne i sngi da yoo yei bor yong kani ka Cyclone.
Discussion about this post