Dang thooh ki pulit ya kiwa da tip wa emkti hei tynyap ya ar ngut ha Ichamati: Conrad

U Montri Rangbah ka jylla, u Conrad Sangma da pyntip u wa da em ki kattu katni ki bru wa da tip ki pulit heiyatoh wa i chah tynyap ki ar ngut kiwa kreh mylla ha Ichamati i chnong wa em ha khappood waka Bangladesh wa dang haap ha East Khasi Hills iwa da jia haka 27 tarik uni u bnai.

U Conrad da khana u wa ki pulit dang thooh ki ya kini ki bru kiwa da ye u tipmit wei ka aiñ daw leh ko katkam ki kyndon wei wow pynchitom ya kiwa emkti.

Hawa kylli, neiliang u Conrad ym bein u wow khana katwon ngut ki bru wa da tip tangwa da ong u wa ki pulit da lai ki chakhmat heiyatoh wa ini i kaam.

Kam wow pynkynmoo wa ki ar ngut kiwa chah tynyap toh uwa tip kam u Ishan Singh wa u Sujit Dutta kiwa kreh ha kawi ka thaw tih moochuni wei yei metyap ki da chem hadien wa em ka yakhih pyrchah CAA kawa da pynman ha Ichamati.